recent
اخر الاخبار

طريقة عمل البيتزا، وطعم لا يقاوم

الصفحة الرئيسية
طريقة عمل البيتزا، وطعم لا يقاوم




مكونات العجينة :

  1. 4 اكواب من الدقيق.
  2. 2 كوب زبادي.
  3. كيس خميرة فورية.
  4. ملح.
  5. زعتر.
  6. ماء دافئ.
  7. زيت زيتون.
  8. ثوم وبصل بودر.
  9. معلقه سكر. 

مكونات الحشو :

  1. بصل.
  2. فلفل اخضر. 
  3. طماطم.
  4. فراخ. 
  5. ملح وفلفل اسود.
  6. ثوم وبصل بودر.
  7. توابل فراخ.
  8. زيت درة.
  9. زيتون شرائح.
  10. جبنة رومي او شيدر.
  11. جبنة موتزاريلا.
  12. صلصه البيتزا.


الطريقة :


أولا: نضع كيس الخميرة الفورية، وتفضل دريم على كوب ماء دافئ، ومعلقه سكر ونقلبهم ونغطيها ونسيبها تخمر ع جنب.


ثانيا: في طبق كبير نضع الدقيق وعليه رشة ملح، ورشة زعتر ورشة توم وبصل بودر ومعلقتين كبار زيت زيتون والزبادي، ونعجن كويس ونضيف من الماء الدافئ بالخميرة شوية شوية لحد ما العجينة تلم.


ثالثا: العجينة لازم تكون لا طرية اوى ولا ماسكة اوى، وبعد ما أتعجنت نبطنها من فوق بشوية زيت زيتون ونغطيها ونسيبها تخمر ساعه في مكان دافئ.


رابعا: لحد ما العجينة تخمر نجهز الحشو، نضع طاسة ع النار ونضع بها معلقتين زيت ونشوح فيها البصل وأول ما يدبل ننزل بالفراخ، او أي حشو تختاروه انا هنا عملت فراخ نضع التوابل ونسيبها تستوى.


خامسا: صلصه البيتزا ف منها جاهز وممكن نحط كاتشب، أو نعملها في البيت.

 طريقتها:

 نضع طاسه وبها معلقه زيت زيتون وننزل بالصلصة وعليها رشة ملح وفلفل اسود وزعتر وتغلى غلوتين ونطفى عليها.


  • بعد ما كل دا يجهز نجيب صينية مدورة او زى ما عندك وندهنا زيت وناخد جزء من العجينة ونعمله كورة ونحطه ف الصينية ونضغط عليها ونفردها في الصينية وندهنها بالصلصة.

  • بعد كدا بشوكة ونخرم العجينة من فوق عشان نفضى الهوا منها ومتتنفخش ف الفرن. 

  • بعد كدا نفرد الصلصة من فوق ونحط عليها الحشو الفراخ ونرش عليها زيتون شرائح والفلفل الأخضر والطماطم.

  • بعد كدا تدخل فرن مسخن مسبقا يدوب عشر دقائق ونشوفها بالشوكة استوت ولا لا.

  • اخر خطوة بعد ما تستوى ونطلعها من الفرن نضيف الجبنة وندخلها الفرن يدوب الجبنة تسيح ونخرجها.


  • طريقة عمل البيتزا، وطعم لا يقاوم

google-playkhamsatmostaqltradent